V. Pauper, nudus egreditur,
Caelum dives ingreditur,
Spargit virtutum munera,
Aegris profligat vulnera.
VI. Verorum pater pauperum,
Nos pauperes fac spiritu;
Consortes redde Superum,
Ereptos ab interitu.
VII. Patri, Nato, Paraclito
Decus, honor et gloria;
Sancti sint huius merito
Nobis aeterna gaudia. Amen.
20 - V. Ora pro nobis, beate Francisce.
R. Ut digni efficiamur promissionibus Christi.
21 - Ad Benedictus Antiphona
O martyr desiderio,
Francisce, quanto studio
Compatiens hunc sequeris,
Quem passum libro reperis,
Quem aperuisti.
Tu contuens in aere
Seraph in cruce positum,
Ex tunc in palmis, latere
Et pedibus effigiem
Fers plagarum Christi.
Tu gregi tuo provide,
Qui post felicem transitum
Durae prius et lividae
Glorificatae speciem
Carnis praetendisti.
|
|