Leo Grecum condempnavit Ottonis imperio
Et Riprandus Gracianum HEINRICI cauterio;
Vos debetis idem sequi assumpto psalterio.
Ceteri eius etatis barones episcopi
Invicem se aspergebant ramusculis hysopi,
Calciati procedebant ex calceis piropi.
Qui tenetis horum loca in sanctis aecclesiis,
Similes illis estote in divinis preliis;
Triumphantes obviate falsis philateriis.
Hercules hydram prostravit abscisis capitibus.
Sic et vos supersedete malignis spiritibus,
Qui conturbant sortem nostram fraudulentis litibus.
Quidam Buzi, sacerdotis proles detestabilis,
Contra vos, qui super omnes estis honorabilis,
Debriat nobis subiectos Arrianis crapulis.
|
|