que videbantur ablata deposceret reddi. Verum Rex graviter
indignatus, quod se ita contempto noluerit venire, Matildam
sororem suam post, cum filio suo Roberto quem tunc
secum habebat, ad Siciliam navigio transvectam secum perduxit.
17
Comes ergo coniugem filiumque suum tam longe abscessisse
audiens, maioris doloris stimulo perurgueri cepit, certus existens
quod cor Regis vere iam totum contra se versum esset, quodque
etiam, estivo tempore redeunte, super se absque dubio manu
belligera irruiturus vero foret. Quam ob causam munitiones
interim suas omnes magis premunire studuit, regieque pugne,
si forte se adversus consurgeret, obviare prorsus accingitur.
18
Igitur Rogerius Rex, postquam ad Siculorum reversus est
regionem, ibi tamdiu moratur, quousque tempus, quo proceditur
in hostem, opportunum redisset; qui transito fretu quod Farum
dicitur cum ingenti bellatrice manu, Tarentum pervenit, ubi
cum comes Andrensis Gofridus in eius, ex more, curiam adventum
fecisset, Rex de quibusdam eum facinoribus impetens,
iustitiam ex eis fieri magnopere exhigebat. At ille perpendens
se per iudicium excusare non posse clarescentibus
culpis, magnam per hoc terrarum suarum partem ei quietam
dimittere censetur.
19
Post hec Rex, eo quod Grimoaldus Barensium princeps,
contempta eius fidelitate, inimicis suis consenserat, super Barim
veniens terra marique obsedit. Ceterum Comes Ranulphus, ut
cognovit regem Barim obsidione circumdedisse, zelo ipsius
ductus, collecta equitum multitudine, prefato cupit Grimoaldo
subvenire, quem mox Princeps dominus suus arcessiens vix ei
persuasit ut a militia ipsa quiescens, terram Regis hac vice, pro
|
|