Cum, inter tot et tanta negotia, quibus pectori nostro continue materia
cogitationis effunditur, potissime sollicita meditatione pensemus qualiter,
nobis absentibus, in regno Alemannie bona imperii sine distractione, alienatione
aut occupatione illicita protegantur et preserventur laudabiliter ab
adversis, pro ipsorum conservatione potiorem nimirum vigilantiam adhibemus,
et quia tunc regio utiliter regitur, cum dirigitur providi rectoris
regimine et vigili presidentis industria gubernatur, nos volentes ut eadem
regio, ubi bona predicta consistunt, rectore ac defensore gaudeat circumspecto
etc.
|
|