Cap. XXI.
Fulginatibus animans eos in fide, mandans
ei ut contra rebelles suos procedant cum
Capitaneo.
Etsi generali qua cunctos fideles nostros
pura mentis affectione complectimur,
vos affectuose prosequi teneamur,
speciales causae veruntamen cogitationibus nostris
se offerunt, quae ad civitatis vestrae
commoda inter alias civitates Italiae praerogativa
quadam multipliciter nos invitant. Inducimur
siquidem ex antiquo fidei nostrae zelo,
quam nec vetustas temporis antiquata debilitat,
nec annorum spatia fastidita confringunt
sed quanto plus in tempore labitur,
tanto semper in fide nostra ferventior invenitur.
Inducimur etiam ex purae devotionis vestrae
constantia, quae nec vicinorum interdum
exemplo submota, nec persecutionibus hostilibus
stupefacta, tanto firmior semper
extitit, et in fide nostra ferventior, quo damna
semper pertulit graviora. Inducimur nihilominus
ex illa causa potissime, quod in Fulgineo
fulgere pueritia nostra coepit: et sic dum
civitatem vestram locum nutriturae nostrae recolimus,
[dum vobiscum quasi civiliter convixisse
pensamus], erga vos quodammodo