secum' (sub auditur enim 'dicebat'. (13) Tapinosis est humilitas
rei magne non id agente sententia quod demostrat, ut si
'mare' dicatur 'gurges'. (14) Cachosinteton est inconcinna traiectio
dictionum, ut: 'Nullus mulier est vir', quam vis recte dicatur:
'Nullus vir est mulier'. (15) Amphibolia est ambiguitas
que sensum impedit et obscurat. Hec quandoque in una dictione
attenditur, ut: 'Criminor' vel: 'Amplector', (16) quandoque
in contextu partium, ut: 'Video sacerdotem malum equum
habentem'.
70. (1) DE SEX VITIlS COMPOSITIONIS A TULIO ASIGNATIS.
(2) Tullius in parte vitia hec notavit, ostendens in compositione
sex vitia evitanda. (3) Primum est hiatus, id est crebra vocalium
concursio, ut: 'Egiptia aula'. (4) Secundum est nimia
eiusdem littere assiduitas, ut: 'Sosias in solario soleas sarciebat
suas'. (5) Tertium est nimia eiusdem verbi assiduitas, hoc modo:
Qui studio non adhibet studium non potest de studio ad maius
studium se trasferre'. (6) Quartum est nimia continuatio verborum
similiter cadentium, ut: 'Flentes, plorantes, lacrimantes,
obtestantes'. (7) Quintum est traiectio inconcinna, ut: 'Luci misimus
eli', id est 'emisimus Lucili'. (8) Sextum est iperbaton, id