discalciatos, incultos et tanta abstinentię ariditate contritos?
Fatiebant autem omnes opera manuum, alii scilicet coclearia,
alii nebant, alii retia nectebant.
XXVII. Quorum tamen omnium vitam beati Bonifatii
conversatio longius transcendebat. Hic denique regis fuerat
consanguineus et ita carus, ut rex illum non alio vocaret
nomine nisi anima mea. Erat autem adprime liberalium artium
doctrinis instructus maximeque in modulationis musicę studiis
approbatus. Hic itaque cum in capella regia moraretur,
videns êcclesiam antiqui martiris Bonifatii, mox exemplo sui
equivoci ad martirii desiderium provocatus, ait: «Et ego
Bonifatius vocor. Cur ergo etiam ipse Christi martir esse non
debeo?». Deinde quoque iam monachus factus tanta se abstinentię
frugalitate constrinxit, ut sepe dominicis diebus et quinta
tantum feria per ebdomadam manducaret. Nonnumquam
vero, si urticarum vel etiam veprium cerneret densitatem, illuc se
proitiens volutabat. Ex quo cum quidam frater aliquando eum
|
1
5
10
15
|