Hugo Falcandus: Epistola ad Petrum Panormitanum Ecclesie Thesaurarium

Pag 180


circulorum varietatibus insignita, maiorem quidem artificum industriam
et materie ubertatem desiderant, maiori nichilominus
pretio distrahenda. Multa quidem et alia videas ibi varii coloris
ac diversi generis ornamenta in quibus et sericis aurum intexitur,
et multiformis picture varietas gemmis interlucentibus illustratur.
Margarite quoque, aut integre cistulis aureis includuntur, aut perforate
filo tenui connectuntur et eleganti quadam dispositionis
industria picturati, iubentur formam operis exhibere. Porro ex ea
parte que urbem respicit palatium ingressuris, capella regia primum
occurrit sumptuosi operis pavimento constrata, parietes habens
inferius quidem pretiosi marmoris tabulis decoratos, superius autem
de lapillulis quadris, partim auratis, partim diversi coloris,
veteris ac novi Testamenti depictam ystoriam continentes. supremi
vero fastigii tabulatum insignis elegantia celature et miranda
picture varietas passimque radiantis auri splendor exornant.
Sic ergo dispositum, sic ornatum, sic omnimode voluptatis
gratia delibutum palatium, tanquam caput reliquo corpori, sic
toti supereminet civitati, que trina partitione distincta, tres in se
particulares, ut ita dixerim, continet civitates. Quarum que inter
extremas media collocatur, nobiliori hedificiorum structura prepollens,
ingenti murorum altitudine ab utraque dextera levaque seiungitur,
latitudinis parum habens, in longum vero spatio maiore
porrecta, ut si quis duas equales equalium circulorum minores

1



5




10




15




20


Torna all'inizio