"au", "oh", "ah", "oiei". 7 Possunt tamen quedam dubie inter
aduerbia esse et interiectiones: ut "o", quando significat dolorem
uel admirationem, interiectio dicitur, quando uero uocandi uel
optandi, aduerbium. 8 "A" quoque prepositio est et interiectio. 9
"Pro" etiam tam prepositio quam interiectio. 10 Alie quoque
partes, singule uel plures, solent interiectiue proferri, ut "nauibus
infandum amissis" et "pro dolor", "eu moritur"; proprie tamen
uoces interiectionum primitiue sunt. 11 Accentus uero in eis
incerti sunt, quia et abscondita uoce et non plene expressa
proferantur et pro affectus commoti qualitate confundantur.
|
|