Cap. XXV.
Constitutiones editae per Imperatorem, contra
haereticos.
Fridericus etc. dilectis Principibus etc.
Commissi nobis cura regiminis coelitus,
et Imperiale, cui dante Domino praesidemus,
fastigium dignitatis, materialem, quo
divisim a sacerdotio fungimur, gladium adversus
hostes fidei in exterminium haereticae
pravitatis exigunt exercendum, ut vipereos
perfidiae filios contra Deum et Ecclesiam insultantes,
tanquam materni uteri corrosores, in
judicio et justitia persequamur, maleficos vivere
non passuri: per quorum sententiam seducentem
mundus inficitur, et gregi fidelium per
oves morbitas gravior infligitur corruptela.
Statuimus itaque, sancientes, ut haeretici
quocunque nomine censeantur, ubicunque per
Imperium damnati fuerint ab Ecclesia et
seculari judici assignati, animadversione
debita puniantur. Si vero de praedictis,
postquam fuerint deprehensi, territi metu mortis,
redire voluerint ad fidei unitatem, iuxta
canonicas sanctiones, ad agendam poenitentiam
in perpetuum carcerem detrudantur. Praeterea,
quicunque haeretici reperti fuerint in civitatibus,
oppidis, seu locis Imperii, per
inquisitores aliquos, ab Apostolica sede datos,