chrisma vero et firmatas a quali episcopo vobis voluntas fuerit
impetrandi, liceat semper, secundum quod diximus, sub apostolica
nostra potestate. et omnem cuiuslibet ecclesie sacerdotem in prefato
venerabili monasterio quamlibet dicionem habere, preter Sedem
Apostolicam prohibemus, ita ut nisi ab abbate monasterii fuerit
invitatus, nec missarum sollempnia ibidem celebrare presumat.
statuentes apostolica insuper censura, sub divini iudicii obtestacione,
sed et validis atque atrocioribus anathematis interdiccionibus
prohibemus, ut nullus umquam presumat cuiuscumque dignitatis
preditus potestate, vel in eodem venerabili monasterio, vel eius
causis incumbere, aut de rebus, et possessionibus, vel ecclesiis
subiectis, vel quicquid de his, que eius esse videntur, quoquomodo auferre,
aut alienare, sed nec quamlibet maliciam, aut iacture molestiam
ibidem, sive pacis, sive barbarici temporis aliquo modo
inferre, dum prefatum perenniter, ut dictum est, monasterium firma
stabilitate decernimus sub iurisdicione Sancte Romane Ecclesie permanendum.
promulgantes nempe, et hoc auctoritate beati Petri
apostolorum principis. coram Deo, et eius terribili examine, per
huius nostri privilegii constitucione sancimus ac decernimus, ut
loca, que a quolibet episcopo, vel abbate commutata sunt, nec non
|
|