19. AMBROS. Pro similitudine . Similitudinem itaque
peccati habuit, quae tamen caro illius absque
omni peccato fuit.
20. LANFR. Pro similitudine peccati . Pro similitudine,
id est, secundum similitudinem, videlicet secundum
carnem, quia in similitudine hominum
factus est. Vel pro similitudine, id est, pro exemplo
dando fidelibus, ut et ipsi absque consensu peccati
tententur; observantes ne inducantur in tentationem.
Vel ita, pro similitudine, id est, propter similitudinem,
propter carnem scilicet quam gerebat:
nisi enim aliis hominibus similis esset, tentare eum
diabolus non auderet. Ordo: tentatum per omnia
absque peccato.
21. In auxilio . Auxilium Dei semper est opportunum;
quia in necessitatibus subvenit; sicut in
psalmo. Adjutor in opportunitatibus, in tribulatione
( Psal . IX).
CAP. V.—1. LANFR. Omnis namque pontifex .
Quasi diceret: Non est diffidendum quin per hunc
pontificem misericordiam et gratiam consequamur,
quia alii etiam pontifices, qui puri homines sunt, ad
haec impetranda hominibus constituti sunt.
2. AMBROS. Omnis namque pontifex . Ponit hic
Apostolus quaedam communia Christo cum sacerdotibus;
quaedam vero altiora: Hoc commune est:
pro omnibus constituitur, ut offerat pro peccatis.
3. Tu es sacerdos . Sacerdos dicitur Christus, qui
semel se obtulit immolandum, sicut semel de Melchisedech
in sancta legitur Scriptura.
4. LANFR. Melchisedech . Melchisedech panem et
vinum sacrificare Deo constituit; quem ritum Dominus
Jesus Christus observavit, et in Ecclesia sua
observari praecepit.
5. AMBROS. Supplicationes . Dicit preces eum et
supplicationes fundere non timore, sed nostrae
causa salutis. Unde et in alio loco dicit sanguinem
Christi melius clamasse pro nobis quam sanguinem
Abel; qui ad accusandum de terra fraternum scelus
|
|