vel preceptum guarentisie, precepit, nomine iuramenti,
eidem I. ut solvat dicto I. libras tot, cum merito, curso
et cursore denariorum .III. in mense et libra, secundum
formam capituli constituti, sub pena et bamno librarum
tot; factum fuit hoc preceptum in dicta curia, die
tali et presentibus testibus tali et tali et cetera.
DE EXBANNIMENTO VEL DE TENUTA ET POSSESSIONE.
Iudex talis, cum precepisset tali ut solveret I. libras
tot, mandando executioni sententiam pro eo latam per
talem iud(icium) vel preceptum guarentisie, vel talem
iudicem, et non solvisset, vel tacito tali per talem numtium,
ut numtius retulit die tali, ut veniret coram iudice
pro tali causa vel negotio et facto, et non veniente,
et facta preda soldorum .v., vel guasto soldorum .x.,
vel denumptiatione facta, ut supra continetur, idem
iudex interloquendo pronumtiavit et dixit ipsum I. esse
exbamnitum in libris tot; qui iuravit se ab eodem ita
recipere, et sibi non esse exinde satisfactum, obstendens
inscriptionem publicam per manum talis iudicis
et notarii.
Vel pronumtiavit et dixit ipsum I. esse mittendum in
possessionem bonorum et rerum suarum, i(dest) usque
ad quantitatem predicti debiti declarati, et ipsum induxit
in possessionem bonorum predictorum, et dedit
eidem talem numtium comunis ut inducat et mictat
eundem in corporalem possessionem ipsorum bonorum,
salvo tamen iure cuiusque alterius persone; qui I. iuravit
se ita debere recipere ab eodem et sibi vero esse
exinde aliquo modo satisfactum. Actum loco tali et
cetera.
Item post, tali die, idem I. numtius retulit ipsum I.
induxisse et misisse et ei corporalem possessionem dedisse
infrascriptarum terrarum et bonorum ac rerum,
in primis unius petii terre cum casa positi et cetera,
et debeant terminifinari.
|
|