per quinque miliarum. est mons Tabor. ubi Cristus transfiguracionem
fecit coram discipulis suis. ut in Ewangelio dicitur. Item. in pede montis.
Est capella. ubi Jhesus dixit discipulis: Visionem. quam vidistis. nemini
dixeritis. Item. de monte Tabor per duo miliarum. est civitas Naym. ubi
Cristus rursus citavit filium unicum vidue. Item. a Nazareth per quatuor
miliaria. est civitas Sephor. ubi orta fuit Anna. mater Marie. Item. a Sephor
per unam leucam dimidiam. est Chana Galilee. ubi Cristus mutivit aquam
in vinum ad nuptias. Item. ante civitatem. immensus est locus. ubi Cristus
predicavit et mulier dixit ad Jhesum: Beatus venter qui te portavit. etc.
Item de monte Tabor per decem miliarum. est mare Galilee Tyberiadis.
super quo Cristus ambulavit. siccis pedibus. Item locus. ubi Cristus stetit
in litore maris et dixit discipulis: Nunquid habetis pulmentarium? Eciam
ibidem apparet unum vestigium Cristi et locus prope ubi viderunt prunas
et piscem superpositum et panem etc. Item. juxta mare. est locus in
valle. ubi Cristus saciavit quinque milia hominum de quinque panibus et
duobus piscibus. et ibidem sanavit leprosum. Item. versus orientem. est
civitas Cristi Capharnaum. ubi Cristus sanavit puerum centurionis. Item.
a Jherusalem versus Rama per LX. stadia. est Emaus castellum. de quo
in Evangelio: et. ante civitatem Rama. est sepulcrum Samuelis. ibique
prope est ecclesia. ubi beatus Georgius a Daciano fuit decollatus: deinde
ad Jaf portum maris. pervenitur. De Jherusalem versus Syna ad Sanctam
Katherinam. notandum [quod] per primam dietam per magnos montes
transitur et de vespere pernoctatur: ibi sunt duodecim fontes aquarum.
de quibus in die palmarum. canit Ecclesia: ibi est prope Ascalonia. ubi
castrum Herodis. magni regis. In die altero. venitur per planam et bonam
rectam ad civitatem Gazar. ubi moratur rex. ibique morantur peregrini
per dies aliquos et preparant se ad desertum versus Sanctam Katherynam
cum panibus. caseis. et necessariis. quibus hominibus videbitur oportunum
expedire: et ab inde. videlicet de Gazara. per primam dietam pervenitur
per bonos torrentes ad aquas. Secunda die. per arenosam viam. non