suum, qui erat comes provincie Romaniole, et suos sequaces ex parte una, et comunia Forlivii,
Faventie et Ravenne et suos sequaces ex alia, et facere fieri et conpleri pacem deinde
ad XX dies; alioquin debebat reverti in dictam prexoniam, et, si non reverteretur, debebat
perdere suos .. u .. os et tria millia florinos auri, depositos per eum in civitate Florentie dicta
occasione, et dicti sui filii remanere in captivitate. Et, dictis diebus, facta fuit treugua inter
eos, usque ad diem martis quartum mensis iunii.
Item, eo anno, die …. mensis maii, comune civitatis et Bernardinus comes de Cunio
potestas Imole, cum toto suo exforcio, equitaverunt supra quoddam castrum nomine Monte
Caduni, in comitatu Imole, in quo erat unus filius Alidoxii et multi sui amici, et ipsum castrum
tenebant pro Alidoxio predicto contra dictum comune Imole; et fecerunt exercitum
supra illud castrum, et manganos, qui iactabant in ipso castro. Et, eo tenpore, comune
Bononie misit duo millia electos pedites ad custodiam civitatis Imole; et sic, ipsis diebus, contigit
quod predicti duomillia iverunt ad castrum Duçie, et ipsum castrum habuerunt ad sua
mandata, et ipsius fortilicias destruxerunt. Et, similiter, iverunt ad predictum exercitum, et
ipsum castrum Montis Caduni ceperunt et conburxerunt.
Equitaverunt insuper predicti Bernardinus potestas et milites et pedites de Imola, qui
erant in dicto exercitu, ad Corvariam, et eiecerunt atque fugaverunt omnes amicos et sequaces
Alidoxii, qui erant in ipso castro Corvarie. Demum, tercia die postmodum sequenti,
equitaverunt ad castrum Linarii, quod erat dicti Alidoxii, ipsumque ceperunt, et destruxerunt
muros et fortilicias eiusdem castri.
Item, sub eodem anno, die dominico XV mensis iunii, suprascripta comunia societatis
provincie Romaniole, videlicet comune Forlivii, comune Faventie et comune Ravenne, cum
eorum sequacibus, fecerunt exercitum generalem, et posuerunt ipsum exercitum in territorio
Bretenorii, in loco, ubi dicitur Bevenus. Et, die lune statim sequenti, dederunt guastum in
vineis, arboribus et bladis eiusdem castri; postea vero, die martis tunc proxime sequenti,
levaverunt canpum et iverunt Cesenam, ponentes exercitum eorum supra ripam fluminis Sapii.
Et, ea die et sequenti, magnus tractatus fuit concordie inter eos, ita quod, dicta die mercurii,
venit dominus Malatesta de Arimino et factus fuit potestas Cesene, et Malatistinus eius
filius factus fuit potestas Bretenorii. Hec quidem concordia sic facta fuit ad hoc, ut dominus
Malatesta reduceret dominum Rodulfinum de Calisidio et amicos et sequaces suos in Cesena
et in Bretenorio. Et hec facta sunt sine consciencia et voluntate domini Ildebrandini de Romena
episcopi Aretini comitis dicte provincie, qui tunc erat in dicta civitate Cesene, et etiam
domini fratris Bonifacii archiepiscopi ravennatis, qui adversabantur predictis civitatibus et
societati predicte.
Item, eodem die mercurii, electus fuit dominus comes Bandinus de Mutilliana generalis
capitaneus omnium terrarum dicte societatis.
Item, eodem die, levaverunt canpum, cum maximo gaudio et triunpho, et reversi sunt ad
civitates eorum.
|
|