Ut primum accepit vectos ad lictora Troes
regina et pelago versas a turbine puppes,
mente pia casus tantos miserata virorum,
regem ipsum et socios comitemque recepit Achatem
in tectis thalamisque novis, atque optima lustrat
auxiliis, pariterque dapes et pocula mittit
navibus et gentem meritis conduxit amicam.
At Venus, in frigio flectens sua lumina nato,
dum dubitat quo se divertant tempora fato,
cum studio alterius nati dat pectore flammas
regine atque animum magno complevit amore
dardanio, penitusque ipsum de mente Sicheum
abstulit: occlusum venis et sanguine scaevum
Dido tenet vulnus latitansque per ossa venenum,
infelix lacrimas teneroque a pectore questus
mittit et ardenti sua mens comburitur igni.
Non habet unde suos possit de corpore morbos
pellere seu tantos animi lenire furores,
quominus in teneras vigilans sua flamma medullas
|
175
180
185
190
|