Lanfrancus Ticinensis: In omnes epistulas Pauli commentarii, cum glossula interiecta

Pag 340


in operationem spiritualem profitebantur, quia confingebant,
seductorum causa, studio cautelae, se
id declinare. Fiebant autem ista ab indisciplinatis,
eo quod a prophetis arguebantur. Ideo dixit: Nolite
spiritualem operationem prohibere, sed si, inquit,
seductores timetis, accipite illa quae dicuntur probantes
illa.
17. AUGUST. Spiritum nolite exstinguere . Si quis
per Spiritum loquitur nolite impedire; nolebant
enim quosdam audire, quia Apostolus dixerat ne
reciperent pseudoapostolos. Vel scientiam per Spiritum
eis collatam, vel Spiritum in aliis nolite
exstinguere.
18. AMBROS. Integer spiritus . Orat ut tributa Spiritus
gratia integra in illis custodiatur, nullam
sustinens minorationem.
19. AUGUST. (lib. IV, De anima et orig. ejus, ab
Vincent. Vict. , cap. 2, tom. VII). Spiritus vester et
anima . Quamvis proprie dicatur spiritus, non universa
anima, sed aliquid ipsius; sicut dicit Apostolus:
Et integer spiritus, et anima, et corpus . Vel illud
multo expressius in libro Job: Absolvisti animam
meam a spiritu meo . Tamen universa anima vocatur
hoc nomine. Cum enim constet aliquid esse in anima
quod proprie spiritus nominetur, illud etiam ego
dico proprie vocari spiritum quo ratiocinamur et
intelligimus, quando ita distincte ista dicuntur.
20. AMBROS. Fidelis est . Hoc adjecit ut de oratione
dubii habeantur.

Torna all'inizio