54 Si quis vellet salutare patrem et matrem, fratres et sorores,
consanguineos, amicos et vicinos, sic dicet:
«Reverendis parentibus A. et B., fratribus peramandis G. et
P., sororibus dilectissimis P. [et] M., universis consanguineis,
amicis et vicinis, H. eorum filius, frater, consanguineus,
amicus et vicinus salutem cum filiali subiectione et
sincere dilectionis affectum.»
55 Pater et mater sic salutant filium: premittunt nomen suum,
quicumque sit filius, nisi esset summus pontifex vel archiepiscopus
vel magnus abbas, et non debent eum vocare 'patrem venerabilem',
verumtamen vocare possent, vi vellent, quia maior est
paternitas spiritualis quam carnalis:
«A. et B. parentes, suo dilecto filio H. salutem et paternam
benedictionem.»
56 Pater sic: .
«R. genitor dilecto filio S. salutem et benedictionem paternam.»
57 Mater sic:
«F. genitrix dilecto filio B. salutem et maternam benedictionem. »
58 Eodem modo possunt salutare filiam mutando masculino in
femininum et positivo in superlativum. Eodem modo cognatus
potest salutare cognatum, mutatis que mutanda sunt convenienter.
59 Maritus sic potest salutare uxorem: debet premittere nomen
suum, nisi ea esset orta nobilioribus se:
«B. de Marino sue dilecte uxori A. salutem cum vinculo
dilectionis.»
60 Si vero dilexit eam multum, sic dicet:
«Dilectissime uxori sue anime dimidio A., B. salutem cum
indissolubili vinculo sincere dilectionis» ;vel: «salutem quam
sibi»; vel: « salutem et quicquid ipse sibi»; vel: «salutem et
|
|