juxta solitum circa nostra servitia, tam fideliter
quam laudabiliter perseveres: ut ipsa operum
efficacia successiva, nostrae Celsitudini te
commendabilem repraesentet.
Cap. LIII.
Capitaneo, ut quasdam suas literas mittat ad
alias partes.
Cum pro quibusdam Majestatis nostrae servitiis,
quinque paria literarum nostrarum,
quibusdam Januensibus Saonae commorantibus,
nostris fidelibus, et easdem ad te
per tuum nuncium deferendas, eisdem Januensibus
destinemus: tuae devotioni mandamus,
quatenus statim receptis praesentibus, praefatas
literas eisdem fidelibus nostris, per velocem
et idoneum nuncium tuum transmittere
non omittas: taliter cum effectu procurans,
quod eaedem literae ad manus ipsorum perveniant,
qualibet mora et occasione remotis.
Cap. LIV.
Eidem, ut citentur ad Curiam, qui injuste
Castrum occupaverant aliorum.
Pro parte O. et D. nostrorum fidelium,
nostro fuit culmini nuper oblata querela:
quod cum ipsi ab A. fratre eorum, qui
nuper decessit, et cui de jure succedunt immediate,
Castrum de N. per longa tempora tenuissent,
et possedissent pacifice et quiete: S.
de N. P. et F. de N. fideles nostri, fracta pace