Abrahae, et illud non intelligitur nisi in Christo.
Hoc autem semen Abrahae nos sumus; hoc est totum,
id est, caput et corpus, unus est Christus.
CAP. IV.—1. LANFR. Dico autem . Diceret quis:
Servi fuimus, ut dicis, et modo dicis: Haeredes erimus,
non potest esse. Quod probat per similitudinem
praemissam de his qui sub custodia sunt.
2. AUGUST. ( Expos. Epist. ad Galat., c. IV). Quanto
tempore . Cum superius legem paedagogum fecerit,
sub quo erat populus Judaeorum; nunc procuratores
dicit elementa, sub quibus serviebant gentes, ut populus
fidelis partim sub lege paedagogo, partim sub
elementis tempore suae pueritiae fuerit. Ad hoc quod
dixerat in adventum fidei tanquam sub paedagogo
custodiri populum usque ad aetatis opportunitatem,
qua in libertatem vocandi erant, adjunxit: Dico autem:
Quanto tempore haeres parvulus est .
3. LANFR. Quanto tempore . Comparationem hanc
tantum ad eos qui ex gentibus crediderunt. Haeres,
parvulus, et servus, ita intelliguntur sicut multitudo
hominum, quorum alii credituri sunt, alii non.
4. Sub tutoribus , id est, sunt tutores et auctores
[ vel actores]; sed pro diversitate causarum diversa
nomina sortiuntur. Tutores dicuntur, quia personam
pupilli, et res ejus contra calumnias tuentur.
Auctores qui injuriis pupillo vel rebus ejus illatis
agunt.
5. Ita et nos . Totum pro parte ponit, sicut saepe
partem pro toto. Non enim unquam sub diis gentium,
quos hic elementa vocat, solem enim, lunam,
aerem, aquas adorabant. Quidam intelligunt elementa,
carnales observantias; sed sequens sententia
non vult: Sed tunc quidem , etc.
6. AUGUST. ( ibid. ) Factum ex muliere . Factum
propter susceptionem creaturae.
7. ( ibid. ) Factum sub lege . Factum autem sub lege
dixit, quia et circumcisus est, et hostia legitima pro
eo oblata est. Nec mirum si legis opera sustinuit, ex
quibus liberaret, qui eis serviliter tenebantur: qui
etiam mortem sustinuit, ut ex illa liberaret eos
qui mortalitate tenebantur.
8. LANFR. Sub lege erant . Redemit etiam eos, qui
(53) Est Aug. in cap. III ad Gal., tom. IV
|
|