pulcherrimis manibus, gracilis corpore; viro suo plenissime
subdita cumque timens ut dominum et diligens omnifariam
ut virum; litterata, Dei cultrix; et cum Beatrix nominaretur,
re vera summe beata erat.
Conradus, frater imperatoris et qui est comes palatinus de
Reno, erat spissus corpore, mediocris stature, capillis …;
virtuosus, multum modestus, non multum loquax.
Rainaldus electus archiepiscopus Colonie, qui canzellarius
primum vocabatur, sed postea fuit archicanzellarius Ytalie,
erat mediocriter lungus et spissus, venustam et coloratam
faciem habens, membris bene compositis et extensis, capillis
mollibus et quasi flavis; disertus et optime litteratus, facundus,
providus et sagacissimus, ad sublimandum imperatoris honorem
cupidissimus, adeo equidem ut nullius magis consilio
quam suo faveret imperator; erat quoque largus, hilaris,
affabilis, alti cordis, maxime patiens laboris, et cuius sagacitate
et opere decus imperii maxime sublimatum est.
Hermanus Verdensis episcopus de Saxonia erat non multum
longe stature; benignus, misericors et pius, sapientia imbutus,
dulcis et affabilis, hilari corde, amator iusticie, timens Deum
|
1
5
10
15
20
|