217. Deprecatio generalis. Si non tabescit spiritus meus.
Rescriptiva. Iuxta potencie mee vires.
218. Deprecatoria generalis. Presencium precum obauditionem nequit.
Rescriptiva. Si nostra nequit devirere dilectio.
219. Quidam ad quoddam Comune quod expediat negocium tractatum inter eum
et suum syndicum. Velut arbor frondibus luxurians.
Rescriptiva. Luxurianti frondibus arbori vere similari.
220. Ad quendam quod intercedat pro quodam penes quendam. Quantam ad me
devotorum vestrorum humillimum.
Rescriptiva. Semper nobis dum te novimus.
221. Pater ad filium quod bene studeat prout incepit. Spes firma tenaxque credulitas
tuorum cordibus amicorum ingeritur, quod scientie thesauro ditatus
progeniei tue tocius gaudium habearis. De quo fili karissime tanto grandius gaudeo, quanto cum a rebus abducar humanis instante
die necessitatis extreme, certius arbitrabor in te me fore
superstitem, quia non est omnino credendus assumptus, qui sibi provisionis divine munere talem est adeptus heredem. Filiationem tuam itaque
exoro quatinus, si tuum laudabiliter studium incepisti, sic terminare procures quod amicorum tuorum et mea spes in certitudinem transeat et
eorum sis basis immobilis et columpna.
Rescriptiva. Cum sit sapiencia filii gloria genitoris, tenere
constanti debet vestra paternitas, quod meum animum
studio taliter applicabo, quod concipietis merito gloriam et amicis in leticiam ingeretur. Et utinam sic affectum cordis ad effectum valeam demandare,
quod inter desiderium vestrum et meum propositum celebrato
coningio proles glorie feliciter producatur ad partum.
222. Devotus ad dominum quod sibi precipiat. In beneficiorum vestrorum gratiosa
memoria.
Rescriptiva. Evidentibus actibus hactenus ostendisti.
223. Filius ad patrem quod sibi mittat pecuniam si vult quod studeat. A vobis fui
karissime pater velut rudis missus ad studium, ut me possem ad altiora transferre celerius, in fundamento liberalium arcium eruditus. Et ego patris voluntatem ex innato cordis affectu naturalique debito prosecutus,
hoc anno gramaticali capessita scientia firmiter ad alciora provehi Domino faciente sperabam, ut et vestrarum literarum tenor et
plurium assercio patefecit. Verum spes ob processum temporis argumento
certe quasi presumpcionis elliditur, cum nec oportuna susceperim nec ad
me pervenerit nuncius verus paterne voluntatis interpres. Quare dominationi vestre suppliciter supplico quatinus michi pecuniam si studere
me vultis mittere non tardetis, cum sine denariis vivere nequeam nec
studere.
Rescriptiva. Ut sciencie titulis informareris et morum, ad studium
te fateor transmisisse, tibi iuxta facultatis mee substanciam
hylariter providere proponens. Ideoque sperare non debes fili
karissime quod velim debere sinistrum accidens tuum studium sincopare.
Sed interdum accidit voluntatem puram iusto prepedimento more suspendi,
quam non aufert odiosa dilatio bonorum sepe quam plurium intricatrix.
Quare fili tibi significo quatinus hinc ad paucos dies tibi quam potero destinabo
pecuniam, iuxta facultates meas plus mittere concupiscens velut
tuum studium postulabit. Et tu vigilanter studere procures, ut tuo cedat
|
|