iudicia trutinare» vel «salutem et in omni suo iudicio matrem
veritatis inviolabiliter conservare», vel «salutem et cum
misericordia per semitam iustitie ambulare».
LIX.
De largis pariter et avaris.
«Viro nobili et plurimum curiali D. Domicello ubique
propriis meritis honorando Tuschus de Gratia (de) Asinellis
salutem et gratis promittere, ac gratis digne postulantibus elargiri»
vel «tali prelato, clerico «aut laico» talis salutem et
matrem omnium virtutum consulere largitatem» vel «salutem
et patientibus necessitatem largitatis dexteram aperire».
Avarus sic potest salutari: «Tali talis salutem, et non nummorum
copiam, sed morum venustatem optare» vel «salutem,
et non denariorum multitudinem, sed maiestatis altitudinem
adorare» vel «salutem et a cultu divertere idolorum»
vel «salutem, et non pro lucro burse, sed ad profectum
anime ieiunia frequentare».
LX.
De mercatoribus et agricolis.
«Dilecto amico suo tali mercatori, L. salutem et
de mercimoniis multiplicatum colligere capitale» vel «salutem
et semper lucrum consequi peroptatum»; vel «tali
agricole talis ville, burgi, vel vici, talis salutem
et ubertatem vini» vel «ipsius oves in fetibus abundare»
vel «salutem et tantis abundare successibus, quod ei universitas
invideat vicinorum» vel «salutem, et campis et pratis
|
|