4. Impietatem , id est, idololatriam et culturam
daemonum.
5. Gloriae . De hac gloria dicitur in Evangelio secundum
Matthaeum: Filius enim hominis venturus
est in gloria Patris sui, cum angelis suis . Et est ordo:
gloriae Jesu Christi magni, etc.
6. AMBROS. Nemo te . Contemnat te nemo, dicit. Si
valde sit aliquis ferox, arguas eum peccantem.
CAP. III.—1. AMBROS. Eramus enim . Objiciebant
vero ei quorumdam impietatem, ob quam multi fidelium
bonum existimabant, si adversus hujusmodi
litem exercerent.
2. LANFR. Eramus enim . Quasi diceret: Nulli
spernendi, etiamsi insipientes sint et increduli, quia
aliquando eis similes fuimus: sed per gratiam Dei
salvati fuimus.
3. Per lavacrum . Per baptismum dicit, in quo
regeneratur et renovatur homo, adveniente in
eum Spiritu sancto, per quem fit remissio
peccatorum.
|
|