Sicardus Cremonensis: Chronica universalis

Pag 132


suae, scilicet auguste Placidie, cesarem facit et cum militibus et matre mittit eum contra
Iohannem ad recipiendum imperium. Venientes itaque mira felicitate Iohannem opprimunt
et regnum victores accipiunt; et quia Ravennates Iohanni faverunt, eam depopulati sunt.
Quibus, sicut mare Rubrum patuit Moysi, sic terra paludosa et invia adibilis et pervia
facta est. Castinum exilio dampnaverunt, Aecio venia data, quia eius studio Hymni ad
propria remearunt. Ad hec Valentinianus de cesare fit augustus. Post hec Bonifacius intra
Affricam rebellis efficitur, qui ad auxilium suam Guandalos et Alanos intromisit
Affricam rapinis et ferro flamaque vastantes et Arriana impietate fidem catholicam subvertentes.
Sed pace facta venit Bonifacius ad Italiam, ubi morbo extinctus est. In pace illa data est
Guandalis in Affrica portio ad inhabitandum, ubi Gensericus rex eorum, volens catholicam fidem
Arriana impietate subvertere, quosdam episcopos de civitatibus suis eiecit. Quatuor viros, Archadium,
Probum, Pascasium, Euthicium, sue heresi consentire nolentes, diversis suppliciis
afflictos occidit. Postea dolo pacis Cartaginem capit et loca divini cultus in habitacula
privata convertit. Est autem Kartago a Guandalis capta anno Domini LXXXV°, postquam
cepit Romanae dicioni parere. Idem Gensericus Siciliam graviter affligit. Theodosius
imperator contra Guandalos exercitum cum magna classe direxit, sed magis fuere Siciliae oneri
quam presidio. Genserico Kartaginem reverso, Hunnis Ylliricum et Trachias devastantibus,
exercitus Theodosii ad defensionem orientalium revertitur provinciarum. Postmodum inter
Valentinianum et Gensericum pax firmata est, et Affrica inter eos certis spaciis divisa est. Interim
Aecius patricius effectus Gundicarium Burgundionum regem bello contrivit. Interim Gothi quoque
Narbonenses infestant, contra quos Hunnis auxiliantibus bellum geritur. Cum quibus
etiam pax facta est humilius, quam ante prelium poposcissent. Guandalis et Gothis ita
furentibus Valentinianus ad Theodosium Constantinopolim vadit et filiam eius nomine Eudoxiam
in uxorem accepit. Rursus Britannia incursionibus Scottorum et Pictorum premitur.
Picti partem insulae invaserunt; quibus Angli societatem promittunt, sed pro adiutoribus
inpugnatores fiunt. Pyrate quoque Siciliam vastaverunt. Demum Theodosius Constantinopolim
moritur et sepelitur. Qui dicitur habuisse cursorem nomine Palladium,
qui terminos Romani pertransibat imperii; unde quidam ait de ipso: “Iste vir, cum lata sit
Romana res publica, eam parvulam suae velocitate demonstrat”. Temporibus Theodosii
Nestorius Constantinopolitanus episcopus novum molitur errorem, predicans Christum hominem tantum,
non deum natum, sed ei divinitatem pro meritis esse collatam. Cuius impietatem Celestini pape
dampnavit auctoritas et synodus aput Ephesum congregata. Sed et Theodorus Anchyranus episcopus
et Cassianus presbiter Masiliensis et Ysac presbiter Antiochenus contra Nestorium
multa scripserunt. Nestorio successit Maximianus, cui fuit cura monumenta fabricare

1



5




10




15




20




25




30



Torna all'inizio