Nutius ista petit tradatur carta Iohanni.
Concordi modulo didicit citharam citharedus
voce sonare suam subtili, cantica mira
fundere mellifluo pro poto iure, fluento
de cuius magni gustasse Elicone videntur
vates. Obstupeo qua stillet vena profunda
et qua parte maris cecinit syrena suavis.
Dumque palude tuus olor ille maneret aquosus,
consotium crevit siccum per devia campi;
quem mirans avidum sitibundum quemque procella,
dulcisono rostro clamans produxit in undas
piscosas, pavit et pisce refecit eundem.
Metra petita tua scripsit prudentia gratis,
que delectarunt animum gliscentis amici.
.