domni HIudovici piissimi Augusti, indiccione XIIa. (Actum) Aquisgrani
palacio regio, (in Dei nomine, feliciter).
Pater autem egregius Iosue, post edificacionem sui monasterii
sancte congregacioni, velud optimus pastor, sedule invigilabat
et in animabus colligendis ac salvandis tam perfectissimus
erat ut divina se protegente gracia, tam preclare congregacionis
numero, quam precipue religionis cultu, maximis eciam tunc Italie
monasteriis excel||lencior haberetur. ferebatur quoque ubique fama
sanctitatis illorum, adeo ut, ex Francorum provinciis, plurimi patriam
parentes opesque relinquentes, eorum se subderent magisterio,
eciam ex aula regia illorum religionem sequi cupientes.
confluebant preterea ex cunctis Italie finibus nobiles, quique duces,
principes et comites ac potentes, beatos se fore existimantes, si
aliquid Deo in eodem monasterio, pro sue mercedis emolumento,
ex suis faccultatibus et possessionibus offerre potuissent.
Unde factum est ut Hildeprand, dux Spoletinorum, offerret
Deo in eodem monasterio, per preceptum sue potestatis, ecclesiam
Sancti Donati in Comino, curn terris et montibus, servis et ancillis,
et ecclesiain Sancti Iuliani, cum terris et aquis, montibus
et planis, cum omnibus suis pertinenciis optulit quoque preceptum
in Marsis de quattuor casis; et de Sancto Petro in Vezano;
et de clausura in Marsis; et de vuarcinatico, idest animalia, que
|
|