Aliquando ipse dominus papa confert alicui clerico
certum canonicatum, et mandat illum cui contulit ex
nunc recipi in canonicum et in fratrem, dato aliquo executore
qui hec faciat adimpleri.
Et quia non omnes notarii sciunt formas ipsas, quam
melius scivero sub brevitate notabo.
a. Forma littere inhibicionis et reservacionis et decreti.
Gotfridus archydiaconus lewenensis, domini pape
iudex delegatus, religiosis viris priori et capitulo monasterii
sancti . . de Lewes — vel decano et capitulo londoniensi —
salutem et mandatis apostolicis humiliter obedire.
Noveritis, nos a domino papa recepisse litteras formam
que sequitur continentes: Martinus episcopus servus
servorum dei etc. ponatur totus tenor litterarum.
demum dicatur sic:
Volentes igitur mandatum apostolicum, ut tenemur,
exequi reverenter, vobis et cuilibet vestrum auctoritate
apostolica inhibemus, ne beneficium ecclesiasticum, ad
vestram collacionem presentacionem seu electionem spectans,
|
|