IV
Dicamus nunc de via. quam feci versus Jordanem. ubi sciendum
est. quod. recedendo de Jherusalem versus flumen Jordanis versus
orientem. transivimus torrentem Cedron et vallem Josaphat.
et a latere sinistro relinquitur mons Olivarum. Inde ad duo miliaria parva.
est Bethania. quondam castellum Marthe et Lazari e Marie Magdalene.
directe super viam que vadit ad Jordanem.
In illa villa. est domus Symeonis leprosi. sed a Cristo sanati. ubi
Maria Magdalene accessit. ipso conviciante. et lacrimis rigavit pedes
Jhesu et capillis tersit et osculari cepit pedes Cristi et unguentum posuit
super caput ejus. et ibi dixit Cristus: Symon. habeo aliquid te dicere: duo
debitores. etc. et absolvit Mariam Magdalenam a peccatis suis.
In illa villa est una ecclesia que fuit quondam domus Lazari. et est ibi monumentum suum. unde Cristus vocavit eum quaterduanum mortuum. cum
dixit: Lazare. veni foras. De lapide monumenti ego recepi ex devocione.
In illam Bethaniam pluries Cristus ibat ad domum Lazari vel sororum
suarum vel Symonis leprosi. qui erat de parentela Lazari: et semel. dum
Maria Magdalene. ipso dicente. optimam partem elegit. Prope Bethaniam
ad parvum jactum lapidis versus Jordanem. est un cisterna. ubi Cristus venit.
quum Lazarus mortuus erat. et ibi occurrit viam eis dicens Martha: Domine. si
fuisses hic. frater meus non fuisset mortuus. etc. Sic stante Jhesu. venit Maria
Magdalena. et tunc interrogavit Jhesum. dicens: Ubi posuisti eum? Et statim
lacrimata est. Juxta illam cisternam ego fui et locum sepissime visitavi.
UItra Bethaniam ad medium miliare. est quoddam castrum Baurim.
ubi. dum fugeret David a facie Absolon. filii sui. Semey. filius Gera. maledicebat
sibi proiciens lapides et dicens: Egredere. vir sanguinum. vir Belial etc.