Pag 278

Quomodo Alexander uenit Thebeam et qualiter eam
expugnauit etc.
39. Exiens inde Alexander uenit ad ciuitatem, que
Thebea dicitur, dicitque hominibus illius ciuitatis: "Date michi
quatuor milites, qui ueniant in adiutorium meum armorum habitu
preparatos." Audientes hec Thebei clauserunt portas ciuitatis
et ceperunt altis uocibus inclamare Alexandro uiso: "Recedas a
nobis! Te turpiter ac tuos milites confligemus." Audiens hoc
Alexander subridens dixit: "Thebei! Multum estis de fortitudine
commendati. Clausistis portas et dixistis mecum uelle committere
pugnam. Nemo est enim bellorum cupidus, qui includitur
intra muros, sed qui campo pugnat uiriliter contra hostes."
Hiis dictis precepit quatuor milibus sagittariorum, ut circuirent
ciuitatem et cum sagittis uulnerarent stantes supra murum.
Precepit eciam, ut duo milia equitum fundamenta muri, que
construxerat Amphion et Seter, demergerent. Et aliis mille equitibus
precepit, ut cum ardentibus faculis portas incenderent ciuitatis.
Alia uero tria milia ordinauit cum arietibus et instrumentis
ferreis, ut murum percuterent et contra precipitare facerent.
Ipse uero Alexander cum syndabalariis suis et reliquo exercitu
consistebant in succursum eorum. Inchoato itaque prelio ciuitatis
porte diris ignibus urebantur. Populus eciam per murum
precipitatus mittebatur. Alii morientes, alii brachiis et tybiis
frangebantur. Erat autem quidam intra exercitum Alexandri
Sistorus nuncius ciuitatis. Hic uidens ciuitatem ignibus dissipari
gaudebat. Sed alius musicus eiusdem ciuitatis Hysmon nomine
uidens sue patrie desolacionem, ilico pedibus Alexandri prouolutus
cepit per artem magicam lamentari sperans flectere animum
Alexandri, ut tandem erga ciuitatem misericordia moueretur.
Intuitus est autem Alexander eum et dixit: "Magister, quare
me cum tanto carmine rogasti?" Hysmon respondit: "Vt possim
tuum animum flectere et ad misericordiam reuocare." Audiens
hoc Alexander iratus est ualde et iussit muros ciuitatis euelli
ab ipsis pristinis fundamentis. Et inde amoto exercitu cepit ire.
Cuius uestigia quidam nobiles ipsius ciuitatis pecierunt responsum
Adalfmadira Appollinis. Quibus respondens Appollo dixit:
"Ille, qui Thebeam constituerat ciuitatem tres uictorias consequetur
et tribus uictoriis adeptis statim nostram ciuitatem reformabit."
etc.
Quomodo Alexander uenit Corinthum et de reedificacione
Thebee
40. Alexander Thebeam relinquens abiit Chorinthum. Rogauerunt
autem eum Chorinthi, ut cum eis curribus luderent;
quorum precibus acquieuit Alexander. Et conuenerunt ad spectaculum