unde est vel non est — et maxime tempore guerre — ad
hoc officium promovendus, quoniam principis fortitudo est
quasi murus in bello, vel pusillanimitas potestatis reddit
pusillanimes bellatores. item dici potest, quod sit nimium
senex vel iuvenis. item dici potest, quod facile precio
corrumpatur, vel quod nunquam esset peccunia que ipsum
faceret a veritatis tramite deviare. item semper dilexit
vel odivit bonos, et cum viris sapientissimis vel sceleratissimis
voluit conversari.
Item rogantur aliquando amici, ut consenciant vel non
consenciant electioni eius.
Item consulitur electo, ut non foveat partem, vel quod
talem partem studeat diligentius confovere, quoniam aliter
non poterit dominari.
Item significat aliquando conmunitas civitatis cui preest,
quod bene vel male se habeat in regimine illo.
Item rogantur aliquando potestates et iudices de sentenciis
ut ferantur vel non ferantur, de possessionibus ut
restituantur vel non restituantur, de condempnandis in pecunia,
de proscribendis per maleficia, de latronibus captivatis
ut absolvantur vel non absolvantur.
Item repetuntur feuda ab illis qui a dominio repelluntur,
vel a successoribus potestatum que ante terminum
in civitatibus moriuntur.
Nam circa hec et consimilia tanta posset propter varios
rerum eventus materiarum extensio provenire, quod prius
deficeret tempus quam sermo.
Ergo recurrat orator ad titulum de electionibus clericorum,
et per exempla similitudines atque contrarietates
facilius valebit principalia et accessoria circa huiusmodi
materias invenire.
6. Titel de testibus.
Littere quibus aliqua potestas aliam rogat potestatem
quod tales conpellat ad perbibendum testimonium veritati
super causa que vertitur inter quosdam pro magna
peccunie quantitate.
Illustris et nobilissimus vir H de Mormoreto nostre
civitatis civis quosdam convenit cum quibus diu sub nostro
examine litigavit pro magna peccunie quantitate.
|
|