Petrus de Vinea: Epistolarum libri VI. Tomus II

Pag 195

Tomus II


laudabile testimonium per literas vestras recepimus,
recepto ab eo in Curia juxta nostram
consuetudinem fidelitatis et officii debito juramento,
ipsum Judicem nostrum per totam
praesentem aestatem duximus statuendum:
fidelitati vestrae mandantes, quatenus eidem
fideli nostro in omnibus, qua ad ipsius officii
judicatur spectare noscuntur ad honorem
et fidelitatem nostram, per totam proximam
praesentem duodecimam indictionem decaetero
intendatis, tanquam judici per nostram Excellentiam
ordinato.
Cap. XXIV.
Concedit licentiam exercendi artem medicinae,
in quibusdam partibus.
Notum facimus fidelitati vestrae, quod fidelis
noster N. ad Curiam nostram accedens,
examinatus, inventus fidelis et de
genere fidelium ortus, et sufficiens ad artem
medicinae exercendam extitit per nostram Curiam
approbatus. Propter quod de ipsius prudentia
et legalitate confisi, recepto ab eo in
Curia nostra fidelitatis sacramento, et de
arte ipsa fideliter exercenda, juxta consuetudinem
juramento, dedimus ei licentiam exercendi
artem medicinae in partibus ipsis: ut
amodo artem ipsam ad honorem et fidelitatem
nostram, et salutem eorum qui indigent, fideliter
ibi debeat exercere. Quocirca fidelitati

Torna all'inizio