dictio suspensiva, (18) hoc modo: 'Cum domi tecum familiariter
conversabar, me quasi specialem amicum pre omnibus
diligebas'. (19) Hec sententia est sine dubio imperfecta propter
preteritum imperfectum; potest ergo perfici, ut si dicam: 'Sed
post quam Bononiam sum profectus nescio qua malivolentie
nebula tua michi est amicitia obfuscata'. Ecce, ista clausula perfectionem
reddidit precedenti. (20) Sit itaque dictator multum
diligens in clausularum serie contexenda, ne verbis onerantibus
aures impediat auditorum neve aliquam prolixitatem inducat
(21) sed tam verbis quam sententiis convenientibus videantur
procedere omnia expedite ut "singula queque locum teneat sortita
decenter".
(22) EXPLICIT LIBER PRIMUS.