Pag 250

Quando fit reconversio in accusativum per nominativum,
q(ue) e(st) f(acienda) m(utatio)? Sequens verbum est vertendum
in accusativum. Quomodo? "Ego amo Iohannem et is me non
amat", ego amo Iohannem me non amantem.
Est tamen in talibus et alia mutatio. Et quę est illa? Accusativus
mutatur in nominativum sui, et verbum, a quo regitur, in nominativum
passivi, et nominativus in ablativum, cum 'a' vel 'ab'.
Quomodo? "Ego amo Iohannem et is me non amat", a me amatus
Iohannes me non amat.
Quando reconversio fit in ablativum per nominativum, q(ue)
m(utatio) e(st) f(acienda)? Sequens verbum est vertendum in
ablativum participii, et in omnibus reconversio abicienda. Quomodo?
Ut: "ego curam habeo de Iohanne et is me non amat",
ego curam habeo de Iohanne me non amante.
4. Quando sunt plura verba coherentia diversarum personarum
et nulla est reconversio, q(ue) m(utatio) e(st) f(acienda)? Alterum
eorum est vertendum in ablativum absolutum participii. Quomodo?
Ut: "cum ego lego, tu scribis", me legente tu scribis. Quę sunt verba
coherentia? Quę monstrant aliqua pro eodem simul fieri tempore.
Quomodo? Ut: "cum proficiscerer domum, obviavi amico", profectio
mea et amici obviatio simul facta fuere.
5. Qu&#281sunt illę dictiones, per quas fiunt reconversiones? Is,
ille, ipse, qui, cum femininis et neutris et omnibus obliquis eorum.
Quomodo? Ut: "Iohannes languet et nemo miseretur eius"
vel "illius" vel "ipsius", vel "cuius nemo miseretur"; sic et de ceteris
casibus. Fit reconversio per alias dictiones interdum etiam
per idem nomen, interdum etiam per idem pronomen. Per idem
nomen quomodo? Ut: "Iohannes languet et nemo miseretur
Iohannis". Per idem pronomen quomodo? Ut: "ego langueo et nemo
miseretur mei", "tu langues et nemo miseretur tui".
6. Quando fit reconversio in genitivum per genitivum, q(ue)
m(utatio) e(st) f(acienda)? Nulla. Quomodo? Ut: "ego misereor filii
tui et tu non misereris eius".
Quando fit reconversio in genitivum per dativum, q(ue)
m(utatio) e(st) f(acienda)? Nulla. Quomodo? Ut: "ego misereor filii
tui et tu non parcis illi".
Quando fit reconversio in genitivum per accusativum, q(ue)
m(utatio) e(st) f(acienda)? Sequens verbum est vertendum in genitivum