Sacrę Sedis decreta liberiter violat ». Anteros: « Veteri quidem
lege habetur, quicumque sacerdotibus non optemperasset
a aut extra castra positus lapidabatur a populo aut gladio cervice
subiecta contemptum expiabat cruore. nunc vero inobediens
spirituali adversione truncatur, aut eiectus de Ecclesia rapido
dęmonum ore decerpitur ». Fabianus papa: Lex loquitur:
“Maledictus omnis qui transfert terminos proximi sui et dicit
omnis populus amen”. si enim in rebus secularibus suum
cuiusque ius et proprius ordo servandus est, quanto magis in
ecclesiasticis dispositionibus nulla debet induci confusio ! quod
hac observatione servabitur si nichil potestati sed totum, equitati
tribuitur ». Cornelius papa: « Nos vero suscipientes apostolorum
eorumque successorum iura firmamus. quę si quis
in vanum duxerit, hostis est animę suę ». Stephanus papa:
Infames autem esse eas personas dicimus qui christianę legis
normam abiciunt et statuta ecclesiastica contemnunt, et apostolorum
atque successorum eorum religiosorumque sanctorum patrum
institutiones libenter violant ». Dionisius papa: « Infames
esse censemus qui suam aut christianam pręvaricantur
legem aut apostolicam vel regularem libenter postponunt auctoritatem ».
Felix papa Paterno coepiscopo: « Tuam, frater,
monemus prudentiam, ut ordinem sanctę Romanę et apostolicę
Ecclesię per omnia teneas et violari sanctorum decreta non permittas ».
Leo papa: « Omnia decretalia constituta tam beatę
recordationis Innocentii quam omnium decessorum nostrorum
quę de ecclesiasticis ordinibus et canonum promulgata sunt disciplinis,
ita vestra dilectione custodire debere mandamus, ut
si quis in illa commiserit, veniam sibi deinceps noverit denegari ».
synodus Calcidonensis: « Regula sanctorum patrum
per singula nunc usque concilia statuta proprium robur optinere
decrevimus, ut si quis sacerdotum contra hęc interdicta
fecerit, a suo sit officio submovendus ». Gregorius Dominico
episcopo Cartaginensi: « De ecclesiasticis privilegiis quod
|
|