sint ultra quam eorum facultates suppetant,
praegravati, quidam videlicet ejusdem terrae
tam nobiles quam alii, qui se cives novos appellant,
sub nobilitatis et citadinantiae praetextu
conferre cum eis, in daciis et collectis praedictis,
Imperialibus servitiis exequendis, juxta
quantitatem facultatis ipsorum recusant, in
ipsius universitatis praejudicium et non modicam
laesionem. Cumque syndicus memoratus,
pro parte universitatis ejusdem, eis super praemissis
postulaverit provideri, vobis praecipiendo
demandamus: quatenus, si vobis constiterit
ita esse, praefatos nobiles [nisi speciali privilegio,
eis ab Imperiali Majestate concesso,
sint exempti] et memoratos, qui se cives novos
appellant, nisi sint ex veteribus civibus,
qui per pactum inter Curiam et Commune Senense
initum defenduntur, tempore primae Potestariae
domini N. Guidonis Potestatis Senensis
pro quantitate facultatum suarum, pro his
scilicet quae tenent in ejusdem terrae territorio,
ad communicandum cum universitate prefata
in daciis et collectis cohertione qua convenit
compellatis.
Cap. CXIV.
Forma petitionis, in approbata forma Imperatori
porrigenda.
Vobis sereniss. Imperator, lux fidelium,
protector et benefactor eorum.
Ego G. de Capistrello, qui audacter et
secure possum et debeo dicere salva conscientia
coram Deo et vobis, quod semper fidelis extiti
et existo, et ex quo servire potui, incessanter