et gemini pontes onerent triclinia mullo
tradat et Euripus murenam sole fluentem
quodque Phalerna tuam non noto consule sedant
vina sitim vel musta praemant tibi pręla Timoli!
heu miseri! non fata movent Meotica pisces
quos stringit glacies vel quos das, Nile, syluri.
dic, ubi lascivi iaceat regina Canopi!
an quod Erythream consumpsit prodiga concham,
hospitium commune fugit? num bacca Metellę
egit, ut Esopi vitaret filius Horcum?
nil tibi, nil equidem prosunt vivaria, Sergi!
i nunc, sume animos, quod quicquid Hiberia fossis
mittit ab auriferis, iterum tibi terra recondat,
et quantum gaçę Macedum Scaptensula fodit,
archetypo cratere teras et murrina temnas,
quod tua Dalmatico radiant coelata metallo
atria et excelsas tollunt electra columnas!
quid sępire iuvat vitreis specularibus hortos
aut colere Hybleis certantia floribus arva
oleneisque iugis aut poma simillima ramis
massilis, silvis aequare vireta tyranni
corcyre et verni superare rosaria Pesti?
quid platani vos umbra tenet, quid aquatica lothos?
occidit Alcynous gelidoque sub axe sorores
hesperides, Geticis mortales exuit artus
|
145
150
155
160
165
|