Datoque eis termino iverunt Laudenses ad Mediolanensium
consules et eis, qualiter rex legatum ad eos Laude miserat,
qui ab eis fidelitatem exigebat, per ordinem narraverunt;
et dixerunt se omnes ipsi legato respondisse, ipsam fidelitatem
sine consilio et voluntate ipsorum Mediolanensium nullo modo
se facere. Ipsi vero Mediolanenses maximo consilio valde diu
intra eos agitato tandem Laudensibus respondentes parabolam
eis dederunt, quod ipsi eorum bona voluntate fidelitatem
regi facerent, referentes insuper etiam eis gratias de responsione
tali, quam regio legato fecerant. Laudenses itaque Laude
reversi sunt; et renuntiantes aliis, que a Mediolanensibus
audierant, omnes leto animo fidelitatem regi fecerunt.
Postremo in Ronchalia expleto parlamento petiit rex
a Mediolanensibus, quatenus ipsi per optima et meliora loca
eum usque ad pontem de Ticino ducerent. Ipsi vero sic se
facere velle respondentes duxerunt ipsum et eius exercitum
per loca guasta et que fuerant deserta per guerram, que incepta
fuerat inter Mediolanum et Papiam preterito proximo
mense Augusto.
In quo mense ipsi Mediolanenses cum Comacinis et Laudensibus
et Cremensibus super Papiam equitaverant et tam
maximum exercitum super eam duxerant, quod nec ipsi nec
|
1
5
10
15
20
|