et consolacionis remedia, vel confortacionem post lamentum,
vel debitum post lacrimas consolamen; vel sic: Animum in oportunitate
virilem esse, vel salubrem post adversa quietem.
5. Inter fratres et sorores mutuo
Amantissimo fratri suo .C. .B. salutem et vere fraternitatis amorem,
vel sic: Dulcissime et dilectissime sorori .M. .N. salutem cum
dileccione fraterna; vel sic: Propinquissimo sibi germano .S. .B.
salutem illam quam vera fraternitas suis intulit uterinis, vel salutem et
affectate revisionis eventum.
6. De nepote ad barbanos
Nepoti carissimo tamquam proprio genito .S. .M. et .I. salutem et
surculum fratris transcendere suam plantam.
7. De nepote vel nepte ad amitam
Proxima igitur linea consanguinitatis annexe sue amite vel matertere
.S. .B. nepos vel neptis salutem et de cunctis sibi ascriptis progenie
desiderii complementum.
8. De amita ad nepotem
Dilectissimo sibi nepoti, vel dulcissime sue nepti .B. .C. amita,
vel matertera, salutem et iuventutis virtuositatem esse amicis et consanguineis
leticie inductivam; vel, quantum ad neptem, sic: Salutem
et de marito et filiis gaudium et solamen.
9. De sororio ad cognatum
Preamando cognato suo .B.; vel sic: Firmo sibi vinculo affinitatis
astricto .B. .D. salutem et indissolubilis dileccionis nexum.
10. De cognato ad sororium
Sororio suo karissimo .D. .B. salutem et illud gaudium quod desideratur
sibi ipsi, vel salutem et augmentum consanguinitatis per prolem.
11. De uxore ad maritum
Amatissimo suo domino et marito, vel intimo et astricto sibi marito
domino .B. .M. salutem et illud gaudium quod affectus desiderat
maritalis.
|
|