sine aliquo tenore et absque ulla conditione facturi, quicquid
eis preciperet. Legati vero Mediolanum reversi, que ab imperatore
audierant, sapientibus Mediolani aperiunt. Qui diu
inter se hoc revolventes et dentium stridore frementes, quid
eis faciendum sit, titubabant, subversionem civitatis metuentes,
si sic penitus imperatoris iugo se submiserint, paventes quoque,
si se taliter imperatori submittere denegaverint, ne post
magna detrimenta iterum, velint nolint, se ipsi supponere
cogantur. Et dum eorum animi sic invicem luctantur, postremo
quasi omnes in eam declinant sententiam, se velle potius
voluntati parere imperatoris et clementie ipsius expectare
fortunam, quam ulterius in guerra permanere. Remittuntur
igitur ad imperatorem legati, qui Mediolanensium voluntatem
sibi aperiunt.
Interea die Mercurii, quid fuit pridie kalendas Marcii anno
dominice incarnationis M°C°LXII° indictione decima, in prima
hora noctis aura plurimum ventilante ortus est ignis Laude
in Vallexella, qui combussit quasi medietatem de Vallexella
et ecclesiam sancte Marie Magdalene et ecclesiam monasterii
sancti Ioannis cum aliquibus domibus ibi vicinis.
|
1
5
10
15
20
|