apostolicus et imperator inclitus et patriarcha Aquilegie
et abbas Cluniacensis cum aliis quibusdam episcopis et
archiepiscopis extra ecclesiam maiorem de Laude veteri corpus
ipsum preciosum suis humeris portavere; et ab aliis deinde
tam clericis quam laicis ad novum Laude transvectum est.
Obtulitque ipsi clementissimus imperator ad fabricationem
ecclesie triginta libras denariorum imperialium; serenissima
vero iugalis eius obtulit ipsi beato Bassiano libras quinque.
Deinde quadam die sabbati, que fuit sexta decima dies
predicti mensis Novembris, ivit imperator cum imperatrice
ac universo exercitu suo Papiam ibique per aliquot dies
moratus est. Et Papiensibus ipsum maxime rogantibus iussit
murum civitatis Terdone totum destrui, ea occasione quia
Mediolanenses ipsum olim construxerant ad dedecus imperatoris
et Papiensium. Papienses vero inde maximo repleti
gaudio non solum murum civitatis verum etiam domos universas
intus edificatas celeriter destruxerunt. Yemavit denique
clarissimus imperator in partibus ...
|
1
5
10
15
|