pontem Tremulum, cum victorioso exercitu
nostro feliciter venimus, abinde in regnum
[duce Domino] felicibus auspiciis processuri.
Cap. CIV.
Capitaneo, ut provideat annuatim cuidam nobili
de proventibus cujusdam ecclesiae.
Ad nostrae Majestatis praesentiam accedens,
Heinricus Embriacus de Janua, fidelis
noster, Celsitudini nostrae humiliter supplicavit:
ut cum pro fide culmini nostro servanda,
derelictis omnibus bonis suis, a civitate
ipsa velut a rebellibus nostris discedendo,
ad nostra servitia venerit moraturus, in eisdem
permanserit et permaneat fideliter et devote:
nec habeat unde se alat et suos: ad suae
et suorum vitae sustentationem, sibi proventus
ecclesiae, quos ultra centum libras dicit non
ascendere quantitatem, de nostrae benignitatis
gratia concedere dignaremur. Cujus supplicationibus
nos benignius inclinati, devozioni
tuae praecipiendo mandamus: quatenus de fructibus
seu reditibus ecclesiae supradictae, eidem
fideli nostro facias usque ad quantitatem
praedictam de caetero responderi: ut de fide
servata laetetur, et de servanda in antea, magis
ad nostra servitia animetur.
Cap. CV.
Item super eodem vel quasi.
Cum H. et D. Ferrarienses, devotos fideles
nostros, qui pro fide Majestati nostrae
servanda, Ferrariam exiverunt, et postmodum