2. Hanc autem consuetudinem habet civitas ista, nam quando
homo vult facere unum magnum pastum aut convivium suis
amicis, ad hoc sunt hospicia deputata. Nam illis hominibus
qui hospicia tenent, hec dicet ille homo: « Tu hospes michi facias
convivium istud pro quibusdam amicis meis, et pro illo expendere
volo tantum ». Sic autem michi convivium fiet bene et
ordinate et michi melius servitur quam in propria domo.
3. Hec civitas etiam maximum navigium habet.
4. Per X milliaria ab ista civitate, in capite istius magni
fluminis una alia civitas est que vocatur Mençu. Hec civitas
maius navigium habet quam aliqua que hodie sit in mundo.
Omnes ille naves albe sunt ut nix, zesso depicte; hospicia,
salem multaque alia habent ita ornata et pulcra sicut in mundo
possent esse. Unde est quasi quoddam incredibile audire et videre
huius navigii magnitudinem.
5. Ab ista civitate recedens et transiens per octo dietas
per multas terras et civitates, per aquam dulcem veni ad quamdam
civitatem que vocatur Lençin. Hec civitas super unum
flumen est posita, quod vocatur Caramoram. Hoc flumen
|
|