mulieris, filie quondam talis, tutorio et mundualdatico
nomine pro ea, et in solidum et proprio et privato
eorum nomine, et in solidum, se et suos heredes et bona
ad hec observanda obligando, promiserunt et iuraverunt
tali vel tali, recipienti pro tali eius filio, vel altero
extraneo, quod dabunt et tradent dicto I. talem in
sponsam et legiptimam uxorem tali termino, vel in termino
quem dixerint talis et talis et cetera, ut supra.
Et quidem predictus Petrus pro ipso I. filio suo, vel
altero extraneo, et proprio et privato suo nomine, et
utroque iure et nomine in solidum obligando, promisit
et iuravit eidem I. se facturum et curaturum ita quod
dictus eius filius, vel alius, accipiet ac recipiet dictam
I. in sponsam et uxorem suam legiptimam di to termino,
et maritali affectu anulabit, et ad domum suam
ducet, et dotem tot librarum, vel dotem quam dixerint
talis et talis, confitebitur, et donationem ei faciet secundum
constitutum Florentinum, se et sua [bona] dicto
iudici cum personis necessariis obligando; que omnia et
singula facere et observare promisit et iuravit, nisi remanserit
et cetera, ut supra de confessione arrarum sponsalitiarum,
et de fideiussoribus, si dati fuerint. Et est
notandum quod dos sine matrimonio minime esse potest,
matrimonium vero sine dote optime fieri potest,
et esse puta quod quis potest accipere quandam in
uxorem, et facere ei donationem de suis bonis, sive de
quarta parte suorum bonorum, ut supra continetur, ad
hoc tamen quod hec, sive ipsa donatio, non excedat
ultra libras .L., propter constitutum Florentinum, non
confitendo dote[m] ex ea vel pro ea, cum non habeat;
et debet mulier habere etatem .XII. annorum, et vir
.XIIII. annorum vel ultra; infra vero, scilicet a septimo
anno supra, possunt fieri sponsalia. Sponsalia quidem
sunt futurarum nuptiarum promissio, sunt enim nuptie
sive matrimonium viri et mulieris coniuntio, individuam
vite consuetudinem retinens; que sponsalia fieri
possunt in hunc modum.
v
|
|