de fundo Palombara. item, omnes Arnolfi fecerunt refutationem
et obligationem huic monasterio et domno B[erardo]
abbati, et quinque ex eis firmaverunt iurisiurandi vinculo, de
omnibus rebus et terris huius monasterii a flumine Narico usque
ad civitatem Spoletanam, ut numquam amplius faciant litem vel
molestiam contra hoc monasterium aut missos nostros, neque
ipsi neque heredes eorum. quod si hęc omnia non observaverint,
componant auri optimi romanatos mille. itern, Beraldus
filius Benedicti qui vocatur de Bono concessit huic monasterio
terram et vineam extra urbem Romam ad Sauctum Valentinum,
et ad pusterulam de Pila, et qui subtraxerit de ipsa
cella sit anathema in perpetuum. item, quidam bonihomines
de Catino fecerunt sacramento firmare per Iohannem de Itta
et Petrum de Amato et Corbonem de Drogo ad domnum B[erardum]
abbatem de ipsis rebus quę huic monasterio pertinent in
cuncto vocabulo Rescaniano, ut quocumque tempore interrogati
fuerint de abbate vel preposito huius monasterii, non eas occultent,
sed palam dicant. item, Guillelmus filius Leonis concessit
huic monasterio et domno B[erardo] abbati portionem suam de Catino, et Luco,
et rocca Tancię. item, Senebaldus filius
Rustici et Ugolinus germanus eius concesserunt huic monasterio
et domno B[erardo] abbati portionem suam de Catino et Luco,
et promiserunt atque sacramento firmaverunt, ut non sint in facto
neque in consensu aut consilio vel certa meditatione ut perdamus
nostrum derictum de Catino seu Luco et eorum pertinentiis,
et quę ibi modo habemus vel deinceps acquisicrimus a
senioribus vel a minoribus hominibus, et adiuvent nos retinere
et defendere contra omnes homines nostrum derictum per bonam
fidem. quod si non omnia observaverint, componant libras .XII.
auri optimi. item, Arnulfus filius Martini concessit huic
monasterio et domno B[erardo] abbati res suas in ducatu Spoletano
iuxta Aquam Marrubiam. item, Nicolaus filius Iohannis
|
|