XXI. De Attica terra et rege.
Fabula, nata sequi mores et pingere uitam,
Tangit quod fugias quodue sequaris iter.
Rege carens nec regis inops, sine lege nec exlex,
Absque iugo gessit Attica terra iugum.
Libertas, errare negans, se sponte coegit
Et pudor ob legem fortior ense fuit.
Ne libitum faceret, regem plebs libera fecit
Et que non potuit pellere iussa tulit.
Rex cepit lenire truces, punire nocentes,
Queque leuanda leuans, queque premenda
premens.
Hos onerat nouitas: ciues in lege nouelli,
Quod leuiter possent, uix potuere pati.
Vrbem triste iugum querula ceruice ferentem
Esopus tetigit, consona uerba mouens.
|
|