Anno eiusdem a nativitate m°. cc°. lxxx°. iiii°, indictione
xi, die prima mensis marcii, pontificatus domini
Martini pape iiii anno ii, venerabilis vir dominus Thomas
prior ecclesie Christi cantuariensis de voluntate et consensu
capituli eiusdem ecclesie in capitulo ad sonum campane
more solito congregati, in quo quidem capitolo plus
quam due partes ipsius capituli existebant, et ipsi fratres
una cum voluntate et consensu dicti eorum prioris fecerunt
constituerunt et ordinanerunt magistrum P de Bononia
notarium licet absentem tamquam presentem eorum et
cuiuslibet ipsorum et dicti capituli procuratorem et nuncium
specialem, dantes et concedentes eidem plenam
et liberam potestatem, impetrandi pro eis et quolibet
ipsorum ac nomine dicti capituli in romana curia et contradicendi
tam litteras simplices quam legendas graciam et
iustidam continentes, in loca et iudices conveniendi seu consenciendi
ac eos recusandi si expedire crediderit, alium
vel alios procuratores loco sui substituendi et revocandi si
opus fuerit, et generaliter omnia et singula faciendi et
exercendi, que in premissis et premissorum quolibet de
iure vel consuetudine requiruntur, etiam si mandatum exigerent
speciale, necnon promittentes se firmum et ratum
perpetuo habituros quidquid per dictum eorum procuratorem
substitutum vel substitutos ab eo factum fuerit in
premissis et quolibet premissorum.
Actum Cantuarie in capitulo supradicto, presentibus
talibus testibus.
Ego Iohannes quondam Iacobi de Bononia apostolica
et imperiali auctoritate notarius publicus premissis
|
|