littera: Aucupari avidus, nobilitatem vestram exoro quatenus braccum
vestrum ad accipitrem octo in diebus michi commodare velitis.
21. Responsiva, quod alter habuit
Impetrasset quod peciit vestre nobilitatis epistola, si antequam
venit unius diei spacio prevenisset accessor. Unde primitus postulatum
ab illo, tenet asturem ut proprium talis miles.
22. Responsiva, quod datur
Astur de civitate transmittitur ut de uno translatus ad alterum,
continuatis volatibus, incolat comitatum.
23. Alia responsiva
Braccum, quem amicabiliter vestram nobilitatem contigit petivisse
per litteras, pro libito retinendum ecce ducit presencium vobis lator.
Capitulum VI
DE NARRACIONIBUS INTER CIVITATES ET CASTRA ET RECTORES
1. Civitatis ad militem cum eleccione in potestatem
Desiderio desiderantes inmenso quod nostra civitas, dudum variis
agitata rumoribus, tranquillum reducatur ad statum et reducia servetur
in eo , firma disposicione pensavimus ipsam fore probi viri submittendam.
Sub alia forma: Ubi negocia laboriosa concurrunt, querendus est
probus et providus gubernator. Cum igitur civitas, diu quasi dissolucione
concussa, rectorem sibi petat et dominum, qui celere radicata
diradicet vicia, repellat ab exitu, et commodis successibus locum ferat,
nos. de quo iam fama, divulgata per patrias, laudis et glorie circumfultum
sonum reservat magnificum, .A. Kl. Ianuarii proxime venturum
ad annum futurum cum quinque milibus libris salario in potestatem
et dominum eligimus nostre terre.
Vel sic: Vos in nostro generali consilio, diligenti facto scrutinio
et votis, de quo famosa claritas nullum angulum latet Ytalie, in nostrum
rectorem et dominum cum salario duorum milium ducatorum
nostre monete. .A. Kl. Ianuarii proxime venturi ad sex menses duximus
unanimiter eligendum. Ordo autem eorum ad que tenemini per nostri
constituti capitula per publicum instrumentum de prefata eleccione
compositum esse vobis apertius destinatur. Rogamus itaque nobilem
|
|