[Liber I]
1. Regnavit quondam in Ytalia cum Lothario filio natione
Burgondio Ugo, qui, ut tutius ageret in regno, eggregiam
inter ceteras urbem Mediolanum sibi vendicare previdit.
Priscam namque noverat loci consuetudinem, ut decedente
metropolitano quilibet unus ex maioris ecclesie precipuis
cardinalibus, quos vocant ordinarios, succedere debeat.
Quod a Romanis presulibus, ab ipsis quoque imperatoribus
concessum, sub auctoritate quidem canonum, testantur scedule
in secretario recondite.
|
|