VERSUS PAULI DIACONI DE ANNIS A PRINCIPIO.
1. A principio seculorum usque ad diluvium
duocenti quadraginta duo bina milia
evoluta supputantur annorum curricula.
2. Dehinc usque quo fidelis Abraham exortus est,
novies centeni duo quadraginta pariter
sibi successisse anni scribuntur ex ordine.
3. Ex hoc tempore quousque Moysi in heremo
praeceptorum instituta tradidit altissimus,
annos quinque et quingentos praeterisse terminos.
4. Legis datae a diebus et conscriptae caelitus
usque quo templum dicavit rex sapientissimus,
quadringenti octoginta orbes evoluti sunt.
5. Percucurrit hinc annalis ordo sua spacia
quingentenis et bissenis annis, Babylonica
donec populum vastavit Israel captivitas.
|
|